La Biblioutècco dâ patouà, ëntitulâ â Proufësour Arturo Genre, î së trobbo â prim plan dë l’Eicolo Latino: l’ê un vér chéntre dë doucumëntasioun dë la culturo ousitano e loucalo, surtout për soc ërgardo lâ Valadda Cluzoun, Germanasco e Pélis.

Lî libbre dë la Biblioutècco î trattën surtout dë lh’eituddi lëngouistiqque e d’ërchèrcho sû la lëngo ousitano prouvënsalo alpino. Për primmo cozo la s’ê butà ënsëmp tout soc avin eicrit lî dui pi ëmpourtant ërchërchaire ouriginari dë la Val Germanasco (ou Val San Martin), Teofilo G. Pons e Arturo Genre: l’ê lou “queur” dë la Biblioutècco.

Dëcò, ënsëmp a quëtto primmo partìo, la po lei troubâ dë disiounari e d’aoutrî libbre, dë doucumënt da eicoutâ, dë film e dë documëntari qu’ërgardën la lëngo, la literaturo, lou chant, la muzicco e la culturo ousitano, ënsëmp a tout soc ërgardo la culturo materialo loucalo. Eiquëtti dui aspét î soun përzënt ënt î documëntari su la vitto dî paizan ën mountannho (“Cultivâ lou granét”, “Cultivâ la vîs”).

Ën pi, lî libbre e lî doucumënt ën fransê qu’un po lei troubâ rëndën conty dë l’atansioun quë la Bibliuotècco à për l’aoutro lëngo dë minouranso dë quëtta valadda.

Për qui vôl eitudiâ, fâ d’ërchèrcha, për qui s’apasiouno ou ê simplamënt curioû, e pi ën génërâl, për tutta lâ përsouna quë volën counouise la culturo ousitano, un po troubâ ën la Biblioutèco soc po lour ëntërësâ.

Ilh à co un role ëmpuortant për laz eicola e për la poupoulasioun për so qu’ërgardo laz inisiativa dë tutélo e valourizasioun dë lâ lënga dë minouranso, faita ën coulabourasioun oou la Coumunità dë Mountannho, l’Asouchasioun culturalo “La Valaddo” e lou Chéntre Cultural Valdê.

Dëcò laz atività dâ Guichét dâ patouà e lî prougét finansiá oou la Legge 482 dâ 15/12/99 për la proutesioun dë lâ minouransa lëngouisticca stouricca trobbën un apoch a la Bibluoutècco dâ patouà.

Ourari dë la Bibliotècco:

lou mars, lou mèrcre e lou vënre aprèe-marëndo da 3 a 6 oura
lou sande, da 9 oura a mézjoùërn